مواصفات الزوجة التي أرغب الإرتباط بها : مؤمنة وكفاية دى عليا ياريت ألاقيها اللهم جمعنى بيها
ومن الآخر كدة عاوز بنت حلال فدائية ومقطعة بطاقتها
واحدة تكون عارفة ان الحياة صعبة مش اللى عاوزة الحياة فى كومباوند وجيم وسبا وعربية وفيلا والدنيا وردية ومرحرحة ومرفهة
يااااااااسلام لو لقيت العسكرى اللى غاوى مشاكل دة هو دة الكنز زوجة صالحة
أكيد مفيش حد كامل الكمال لله وحده
بس أحب شريكة حياتى تكمل اللى ناقص عندى .... يعنى تكون حافظة سور فى القرآن ما كنش حافضها وتساعدنى نحفظ سوا
لو نسيت فرض تفكرنى بيه وتزعل لما أنساه وهكذا !!!!!!!!!!
بالنسبة إلى نفسي :يا جماعة عاوز بنت حلال لا مركز مرموق ولا مال وولا حالة مادية جيدة والله انا مش عاوز أضيع وقتى
غيرت بياناتى مطلق من 24- 10 -2016 وقد ارتضينا الانفصال بالمعروف بمعنى الكلمة لاحساسها أنها هى العقبة فى أن يكون لى اطفال ويعلم الله اننى حاولت أن أثنيها عن هذه الخطوة لكنها أصرت وأقنعت أهلها أيضا وبائت محاولاتى بالفشل لكن قدر الله وما شاء فعل
سوف اضع بياناتى كاملة حتى أوفر الوقت على الأخوات الفاضلات بالموقع
من المنصورة نفسها أنا متخرج من المعهد العالى لتكنولوجيا البصريات بالقاهرة الحمد لله تعليم عالى رياضى مش مكعبل بلعب تنس أرضى لى أخ واحد محاسب أكبرمنى بسنتين والدى متوفى مدير سابق بالبنك الأهلى المصرى والدتى متوفية مديرة مدرسة ابتدائى
بعتبر نفسى مقطوع من شجرة دايما فى حالى يعنى مافيش حد فى عيلتى حيتعب اللى حتجوزها بحب السفر جدا والرحلات والمصايف بس أبقى فى المووووود ومش زعلان....
والحمد لله مش باين عليا سن الحمد لله مسلم باعتدال مش متشدد ويارب أوصل للقب مؤمن
على قد حالى ما حيلتيش الا مرتبى ١٦٠٠ جنية وعشان مابقاش كداب زودونى فى الشغل ٥٠ جنيه بدل طبيعة عمل والحمد لله وشقتى
وأكيد بمبدأ اليومين دول أنا مش العريس اللقطة
هل ترغب بإرسال رسالة إلى محمد حسين
لن يتم ارسال الرسالة يجب الاشتراك اولا وتسجيل الدخول الي الموقع
محمد حسين